أهداف المبيعات معايير خطة المبيعات الذكية 2021 مدير المبيعات المحترف وفريق البيع الناجح

 دروس بلس مدونة تعليمية تسعى لإثراء المحتوى التعليمي ونشر المعرفة الرقمية والفنية .    

 لماذا تكتسب مهارات تحسين محركات البحث السيو |  Search Engine Optimization ( SEO ) كل هذه الأهمية ؟!  :

بدون تعقيد - معنى السيو - أسرار تحسين محركات البحث ورفع ترتيب موقعك 2021 (1)

عندما تخطر لنا فكرة ما ، ونريد أن نستزيد من المعرفة عنها ، أو نفكر في أمر ما وكيف يمكن أن نجمع كل ما يتعلق به من معلومات ، أو نرغب في تنفيذ مشروع ما ونبحث عن دراسة جدوى له ، أو الذهاب إلى مكان ما لكننا لا نعرف أقصر الطرق وافضلها اليه ، نلجأ مباشرة وبصورة أصبحت أقرب للتصرف اللاإرادي وبطريقة إوتوماتيكية إلى البحث عن كل هذا وأكثر في محركات البحث المختلفة على الانترنت .

أكثر من 90 % من نشاطنا اليومي متعلق بالبحث على الانترنت .

يستحوذ محرك البحث  Google  بمفرده على أكثر من 90% من هذه العمليات

أكثر من 3 مليار عملية بحث يومي على الانترنت ! رقم مهووووول .

وده الموضوع اللي هنتكلم عنه النهارده :

محركات البحث أو الـ  Search Engine  ، وأهمها وأشهرها محرك البحث  Google  بالطبع .

-  طب إيه علاقة الكلام ده بالحاجة اللي اسمها السيو  SEO ، والسيم SEM  اللي خوتونا بيها دي ؟ ما هو معنى السيو  ، وازاي نعرف عنها كل حاجة ؟! .

-  ما هو ده لب الموضوع يا ابن عمي ! .

- كيف يعني ؟

-   ماهي دي بقى محركات البحث  !! عارفها ؟! عارف انت محركات البحث طبعاً !!. .

-  أيوه عارفها ! إيه مفكرني جاهل انت التاني ولا ايه ؟! .

-  لا ابدا بس قولت أتاكد انك عارف المقصود بمحركات البحث ! .

-  ما قلتلك عارفها ! مش هي المربع المستطيل ده اللي بنكتب فيه الحاجه اللي هنبحث عنها ! زي الصورة دي :

-  الله ينور عليك ، هو ده بالظبط المقصود بمحرك البحث ، وده اللي بيسموه  Search Engine ، وبيختصروه بـ  SE  ، ودول اول حرفين في مصطلح السيو SEO  ، أما الحرف الثالث والأخير وهو حرف الـ O   ، فهو اختصار لكلمة Optimization ، والجملة على بعضها معناها بالعربي  : تهيئة محركات البحث  ( سيو) ، و بالإنجليزي: Search Engine Optimization ( SEO  ) .

- يا بووووووي ! بس كده !!! .

- أيوه بس كده !

- دا انا كنت مفكر الموضوع عويص وكبير وصعب من كتر ما خوتوا دماغي بيه ! وأتاريه موضوع جميل وحبيب وابن ناس قوي خالص أهو ! . 

بس ليه بيقولوا محركات البحث ؟! ، مش يقصدوا Google Search Engine ، ولا فيه محركات بحث غيره ؟! .

- أيوه يا ابني عمي ! فيه غيره كتير ! وفي ناس ما تعرفش غير Google Search Engine ، لأن الاشهر والاهم في العالم ، بس الحقيقة في غيره كتير ، زي محرك بحث ياهوو  :  Yahoo Search Engine ، وده اللي اشترى موقع ( مكتوب ) اللي كان باللغة العربية ، الناس بتوع التسعينات يعرفوا السالفة كويس .

-  ومحرك بحث بينج ،  Search Engine Bing، وده محرك البحث بيتاع ميكروسوفت : Microsoft  ، اللي كان اسمه زمان :  MSN  . ودي بدأت مع Google في نفس السنة 1997 تقريبا ، وكانت حاجة فخمة جدا ومشهورة جدا يمكن أشهر من جوجل وقتها ، بس تراجعت الان كثيراَ .

- وفي محرك بحث آخر اسمه ( اسك ) ، Search Engine Ask 

- وفي محرك بحث كمان اسمه ( أمريكا أون لاين ) ،  Search Engine Aol.: 

-  يا بوووي ! ، ايه ده كله !! ، ده الانترنت ده مليان حاجات جميله خالص والله ! ، وانت عرفت الحاجات كلها كيف يا ابن عمي ؟! .

- طب تعرف ان الصين ليها محرك بحث خاص فيها هي وناسها بس ؟! ، لأ وايه !! ، امسمينه على اسم النعسان رئيس أمريكا الجديد ده ! تعرفه ؟! .

- أيوه أعرفه ، مش اللي اسمه فيه بيض كتير ده ؟! ، أعرفه زين .

- إسمه بايدن ! ، اهي الصين عامله لنفسها محرك بحث مخصوص لحالها غير عمك جوجل بتاع الناس كلها ده ، واسمه محرك بحث ( بايدو) ، Search Engine Baido :

- وفيه كمان محرك بحث لطيف للمتخصصين اسمه ( وول فورم ألفا)  ، Search Engine Wolframalpha :

- بس كفايه يابووي كفايه ! ، رايح فين انت ؟! ، خلاص عرفنا معنى SEO  ، وان في محركات بحث كتير غير Google Searh Engine ، بس ايه موضوع السيو أو  SEO ، او تهيئة محركات البحث ده  Search Engine Optimization ، 

بدون تعقيد - أسرار تحسين محركات البحث ورفع ترتيب موقعك 2021 ، كيف أعمل تهيئة لمحركات البحث يعني ؟! :

 وايه فايدة ان اعمل تهيئة ، وايه المشكل لو ما عملتش التهيئة دي أصلا ؟!.

- أولا : فايدة انك تعمل تهيئة محركات البحث هو ظهور موقعك أو متجرك أو منتجك في أعلى صفحات نتائج محركات البحث ، وده معناه زيادة فرص رؤية المستخدمين لك ، مما يعني زيادة محتملة في اعداد الزوار لموقعك أو متجرك وزيادة نسب الطلب على منتجاتك .

- ثانياً : ايه المشكلة لو ما عملتش التهيئة دي ؟! ، ولا أي حاجة ، انت مش هتعمل غيرك هيعمل ، فهيستفيد هو ويفوز وانت هتفضل محلك سر لا حد شافك ولا دري بيك ! .

- أما بقى سؤالك : كيف نعمل Search Engine Optimization  ، أو SEO  ، فده معناه ببساطه يا واد عمي : كيف نساعد محركات البحث أو الناس وهي بتبحث عن أي حاجة ليها علاقة بمتجرنا أو بنشاطنا ، انها تلاقي موقعنا أو متجرنا الرقمي بسهولة ويظهر لهم في أعلى نتائج صفحات البحث . 

وده بالظبط هو المقصود بمصطلح ( التهيئة ) وعلشان تعمل التهيئة دي هتحتاج تعمل شوية حاجات  داخل موقعك أو متجرك الالكتروني ، وخارج موقعك أو متجرك الالكتروني ، هنبينها في الخطوات التالية وهي : 

أول حاجة : 

المستخدم لما بيبحث عن حاجة معينة بتظهر له النتائج بتاع البحث في حاجة اسمها : صفحات نتائج البحث ، أوSearch Engine Results Pages ، وده معنى : SERPs  أو السيرب ، يعني لو عملنا سيرش عن شركة STC في جوجل هتظهر عندنا نتائج البحث كما في الصورة المرفقة : 

ولو لاحظت الصورة هتلاقي أعلى نائج البحث مكتوب أمامها ( المظلل بالأحمر ) كلمة إعلان أو Ad، وده معناه إنه هذه النتيجة هي إعلان مدفوع القيمة ( Search Engine Marketing ) ، وده نقدر نعمله من أده زي  Google AD. 

ولو نزلنا شوية هنلاقي باقي النتائج المجانية غير المدفوعة وبها مجموعة الخدمات التي تقدمها STC , كما في الصورة المرفقة : 

ولو نزلنا تحت كمان شوية هنلاقي مجموعة من النتائج الاخرى المتعلقة بالموقع الجغرافي على جوجل ماب ، وعنواين الفروع ومواعيد الفتح والاغلاق .. الخ .

وهكذا ، كلما تحركنا الى الاسفل او انتقلنا الى صفحة اخرى من صفحات البحث سنجد نتائج مختلفة وهي جميعها متعلقة بموضوع البحث : 

وده كله في ما يسمى بصفحات نتائج البحث أو SERP  ، وعلشان يظهر موقعنا في صفحات نتائج البحث بالشكل ده ، ويتصدر نتائج البحث ، يبقى لازم نقوم بتنفيذ بعض الخطوات الهامة داخل موقعنا أو صفحاتنا ، وخارج موقعنا او صفحاتنا ، وده اللي بيسموه : On - Page Optimization ،

و : Off - Page Optimization :

  - أولا :  On - Page Optimization ، يعني تحسين أو تهيئة داخلية لصفحات متجرك أو موقعك :

         - ودي بتتم على العنصريين الرئيسيين لكل صفحة من صفحات الموقع وهما : محتوى الصفحة ، وده اللي بيسموه الـــــــ :  Content .

والمقصود هنا هو أن يكون المحتوى الخاص بموقعك وكل ما يتضمنه من صفحات أو صور أو أفلام وغيرها هو غاية في الاحترافية والتميز والترتيب ، فكلما كان المحتوى متميز وواضح وذات صلة مباشرة بحاجة المستخدمين وطلبات بحثهم ، من حيث الصياغة اللغوية ، وجودة الصور والفيديوهات والنصوص المصورة وغيرها ، كانت فرص عثور محركات البحث عليك أعلى وأوثق ، لان محركات البحث غاية في الذكاء ومصممة بخوارزيميات قادرة على الانتقاء والتتبع للمحتوى الاكثر تميزا وموثوقية من كل المواقع والموضوعات ذات الصلة بعملية البحث .

- كده تمام قوي ،  ... تقصد أني لازم أكتب النصوص والفقرات اللي جوه الصفحة بتاعتي بشكل صحيح ومنسق ، وتكون الصور جودتها عالية ومتصوره بكاميرا زينه جودتها عاليه مش بموبايل ام العيال اللي الكاميرا تبعه متعمسه بزيت المطبخ ، ويكون شرح الصور والتعليقات دقيق وفي صلب الموضوع ، وبيقدم خدمة حقيقية وقيمة فعليه للمستخدم أو الزائر  .

 - برافووو عليك ... كده ممتاز جدا ، نورح بقى للعنصر التاني المهم جدا في موضوع التهيئة ده :

وهذا العنصر الثاني خاص بنوعية الكلمات أو العبارات اللي المستخدم بيستخدمها في عملية البحث عن كل ما يتعلق بمحتوى متجرك او موقعك ونوع منتجك أو خدمتك التي تقدمها وده اللي بيسموه : الكلمات المفتاحية ، أو : Keywords .

وده يعني انك وانت بتكتب محتوى صفحات موقعك لازم تكتب داخل عناوين وفقرات المحتوى ده الكلمات والعبارات اللي المستخدمين أو الزوار أو الباحثين بيتسخدموها عند البحث في محركات البحث عن الخدمة او المنتج الذي تقدمه من خلال متجرك ، علشان أول ما الزبون يكتب الكلمة أو العبارة في محرك البحث ، يتم العثور عليها مباشرة في موقعك مع المحتوى المتميز داخل الموقع تقوم تظهر مباشرة أمام الباحث او المستخدم في أعلى ننتائج البحث .

- وه وه وه ، ايه ده ؟! ، وانا هعرف كيف الناس بتكتب ايه وهي عم تبحث عن المنتج بتاعي او الخدمة تبعي ؟! ، حد قالك اني مخاوي عفارايت ولا بعرف الغيب ؟! ، أني م الأول أجول موضوع السيو :  ولا : SEM ده مش مريحني ! .

- مالك يا ابن الحلال ؟ مين قال انك تعرف الغيب ولا تخاوي عفارايت ؟! ، الموضوع وما فيه انك لو حبيت تعرف الكلمات أو العبارات اللي بيتم استخدامها في عمليات البحث ذات الصلة بما يقدمة متجرك أو موقعك ، كل ما عليك إنك تدخل تستخدم أداة من أدوات التحليل الختصة بالكلمات الافتتاحية وانت هتعرف كل حاجه ! .

- يعني هما عاملين أدوات تساعدني كيف أعرف الكلمات والعبارات اللي الزوار بيستخدموها في عمليات البحث ؟! .

- أيوة طبعاً !.

- والنتيجة بتاعت أدوات التحليل دي بتبقى مظبوطة ودقيقة ؟!

- 100 % .

- أنا طول عمري أجول الكمبيوتر ده في داخله جني ابن جني ابن عفريته ، بس ما حد مصدقني ! . كمل كمل يا واد عمي قول ، ايه هي المواقع دي وكيف استخدمها ؟! .

ب -  ماهو ده اللي هنتكلم عنه أما نتقابل بكره ان شاء الله مع موضوع هام جدا عن التهيئة او التحسين الداخلي للموقع الخاص بك والمتعلق بالجانب التقني ، واللي بيسموه : Technical SEO ،  ويمكن نتكلم شوية كمان في موضوع   : Off - Page Optimization. قبل لا نروح لموضوع SEM 

- ايه يا واد عمي زهقت مني ولا ايه ؟ شكلك زهقت من أسئلتي الكتيره فقلت الم الدور واخلص منه !! .
لا والله يا واد عمي .. بس كده كفاية النهاردة علشان نقدر نركز في الموضوع وحده واحده 
يالا ... في أمان الله ... ونتقابل في المقالة الجاية إن شاء الله .
والسلام عليكم ورحمة الله وبركاته ..

خالص الأمنيات الطيبة دائما

دروس بلس مدونة تعليمية تسعى لإثراء المحتوى التعليمي ونشر المعرفة الرقمية والفنية .    

خالد محمد الحصري